上海洋泾浜闲话里格红色记忆---中国左翼电影发端格一个标志性事件

来源 I 文字志愿者：赵国强

1930年3月22日傍晚，上海大光明电影院要放一场美国好莱坞电影公司派拉蒙格新片《不怕死》，就辣勒电影快要开场格辰光，只看到一个人冲到了前台，挺身呼吁大家勿要看搿只电影，伊痛斥了搿只电影“对于中国人，是鄙贱，是戏弄，是侮辱。------”。大量观众听了之后义愤填膺，纷纷起身要求退票，洋人经理搭搿个人发生了肢体冲突，在场格观众拔拳相助。于是一场抵制美国好莱坞辱华影片格运动，辣勒上海轰轰烈烈格开展起来了，搿个就是中国左翼电影运动发端时期著名格“《不怕死》事件”。当时冲到前台挺身呼吁格伊格人，就是民国时期中国电影格开拓者、剧作家，中国左翼剧联总书记洪深。搿场事件洪深是主角，《义勇军进行曲》（即后来格《国歌》）词作者田汉参与“预谋策划”，田汉格弟弟田洪、田沅以及张曙、金焰、廖沫沙等南国社社员随行现场拔拳相助。

本文开头提到格美国好莱坞电影公司派拉蒙始建于上个世纪格1912年，伊以22颗群星环绕雪山为标志。派拉蒙是英文单词“Paramount”格上海闲话洋泾浜音译，中文意思是“卓越的”、“最高的”、“至上的”。一百多年来，派拉蒙稳坐好莱坞头牌宝座，生产出象《教父》、《泰坦尼克号》、《阿甘正传》、《变形金刚》等既卖座又叫好格优秀大片。不过，由于政治偏见、意识形态化，也拍了象《不怕死》等辱华影片，搿个是中国人勿能接受呃。

英文单词“Paramount”除塌“派拉蒙”搿格上海闲话洋泾浜音译外，另外还有一个上海闲话洋泾浜音译，就是辣勒上个世纪三、四十年代赫赫有名格舞厅名字——百乐门。百乐门舞厅辣勒当时是远东第一舞厅，举世闻名。标志性建筑是一只高达九米格玻璃灯塔，每当夜里华灯初放，拿整个静安寺照得灯火通明，异彩纷呈；百乐门舞池格弹簧地板，据说辣勒当时整个远东地区是绝无仅有呃；百乐门格乐队是上海第一支华人爵士乐队，开创了华人乐队打人舞厅演出格先河。

一样一个英文单词“Paramount”，聪明格老上海人弄出两个上海闲话洋泾浜音译，一个叫“派拉蒙”，一听就外国名字，邪气洋气，拿伊拨了美国好莱坞电影公司；另一个是“百乐门”，一听就是中国名字，邪气传统，拿伊拨了上海最早、最大格跳舞厅。