上海洋泾浜闲话里格红色记忆---苏州河边浪向格“上海大厦”

来源 I 文字志愿者：赵国强

1949年5月27日上海解放格辰光，辣勒上海百老汇大厦格屋头顶浪向悬挂了“热烈欢迎中国人民解放军解放上海”格巨幅横标。上海百老汇大厦就是后来格上海大厦。从“百老汇大厦”到“上海大厦”，标志了上海搿座英雄城市格新生。

辣勒外滩苏州河边浪向格“上海大厦”，解放以前叫“百老汇大厦”。因为上海大厦边浪向格东大名路辣勒1943年之前叫“百老汇路”（BroadwayRoad），所以辣勒上个世纪格1934年英国人新造好格搿幢大厦，老上海人就拿伊叫“百老汇大厦”。“百老汇”是英文“Broadway”格上海闲话洋泾浜音译，意思是“宽阔格大马路”。“百老汇大厦”意思就是“宽阔格马路边浪向格大厦”。

上海大厦伊一共22层楼，里厢格套房有中、美、英、法、日搭阿拉伯等交关国家地区格风格，各种高级公寓所需配备格设施一应齐全。百老汇大厦比当时格毕卡第公寓（今衡山宾馆）、华懋公寓（今锦江饭店）、淮海公寓（今淮海大楼）还要高，曾经是上海滩最高格建筑。1939年英国人被迫拿大厦卖拨了日本人，大汉奸卖国贼汪精卫搬进去以后，以此为进行所谓“和运”格大本营。抗战胜利后，国民党接收上海，国民党中央宣传部格上海办事机构率先搬进大厦。之后，驻华美军接管大厦，并在此成立美军遣撤部。1949年5月25日，苏州河南岸解放后，解放军部队面对苏州河邪气头痛，国民党部队凭借百老汇大厦、公济医院（即后来格上海第一人民医院）、邮电大楼等北岸格高楼大厦、工厂、仓库等高建筑负隅顽抗，居高临下交织成严密格火力网。当年陈毅讲过，打上海要文打，好比“瓷器店里捉老鼠”，老鼠要捉，瓷器还勿能打坏。据说，后来是国民党代理市长赵祖康往大厦里打了电话，劝大厦里格负隅顽抗格敌人识时务缴械投降，迎接解放。最后，搿个解放上海格最后一只堡垒，安然回到了上海人民格怀抱。1951年5月1日“百老汇大厦”由上海市人民政府改名为“上海大厦”。